ಕನ್ನಡದ ಪುಸ್ತಕಗಳ ಮಾಹಿತಿ ತಾಣ. ಇಲ್ಲಿ ಯಾರು ಬೇಕಾದರೂ ತಮ್ಮ ಪುಸ್ತಕಗಳನ್ನು ಪರಿಚಯಿಸಬಹುದು.
ಉದ್ದೇಶ :
ಇದು ಕನ್ನಡದ ಪ್ರಕಾಶಕರನ್ನು ಹಾಗೂ ಲೇಖಕರನ್ನು ಮತ್ತು ಓದುಗರನ್ನು ಆನ್ಲೈನ್ ಮೂಲಕ ಒಂದು ಮಾಡುವ ಪ್ರಯತ್ನ.
ದಿನನಿತ್ಯ ರಾಜ್ಯದ ಒಂದಿಲ್ಲೊಂದು ಕಡೆ ಕನ್ನಡದ ಪುಸ್ತಕಗಳು ಪ್ರಕಟಗೊಳ್ಳುತ್ತಲೇ ಇರುತ್ತವೆ. ಎಷ್ಟೋ ಜನ ಲೇಖಕ/ಪ್ರಕಾಶಕರು ತಮ್ಮ ಪುಸ್ತಕದ ಬಿಡುಗಡೆ ಸಮಾರಂಭದ ಕಾರ್ಯಕ್ರಮವನ್ನೂ ಮಾಡುವುದಿಲ್ಲ. ಮಾಡಿದರೂ ಅದರ ಬಗ್ಗೆ ಸುದ್ದಿ ಮಾಧ್ಯಮಗಳಲ್ಲಿ ಸುದ್ದಿಯಾಗುವುದು ಅಷ್ಟಕಷ್ಟೇ. ಹಿರಿಯ ಲೇಖಕರ ಪುಸ್ತಕವೊಂದು ಬಿಡುಗಡೆಗೂ ಮುನ್ನ ಸುದ್ದಿ ಮಾಡಿದರೆ, ಕಿರಿಯ ಲೇಖಕರ ಪುಸ್ತಕಗಳನ್ನು ಕೇಳುವವರೇ ಇಲ್ಲ. ಅವರ ಪುಸ್ತಕಗಳು ಚೆನ್ನಾಗಿದ್ದರೂ ಅದು ನಿಜವಾದ ಓದುಗರನ್ನು ತಲುಪುವಲ್ಲಿ ಸೋಲುತ್ತಿದೆ. ಇದಕ್ಕೆ ಕಾರಣ ಲೇಖಕ/ಪ್ರಕಾಶಕ ಮತ್ತು ಓದುಗರ ನಡುವಿನ ಸಂಪರ್ಕದ ಕೊರತೆಯೇ ಆಗಿದೆ.
ಓದುಗರು ಯಾವುದೋ ದೊಡ್ಡ ಪುಸ್ತಕ ಮಳಿಗೆಗೆ ಹೋಗಿ ಮೊದಲೇ ಕೇಳಿ ತಿಳಿದಿದ್ದ ಪುಸ್ತಕಗಳನ್ನೇ ಕೊಂಡು ಓದುವ ಹವ್ಯಾಸ ಬೆಳೆಸಿಕೊಂಡಿದ್ದಾರೆ. ಬೇರೆ ಲೇಖಕರ ಉತ್ತಮ ಪುಸ್ತಕಗಳ ಪರಿಚಯವೇ ಓದುಗರಿಗೆ ಆಗಿರುವುದಿಲ್ಲ. ಆದರೆ ಈ ತಾಣದಲ್ಲಿ ಅದನ್ನು ಪರಿಹರಿಸುವ ಪ್ರಯತ್ನ ಮಾಡಲಾಗಿದೆ. ಲೇಖಕರು ಮತ್ತು ಪ್ರಕಾಶಕರು ತಮ್ಮ ಪುಸ್ತಕಗಳನ್ನು ನೇರವಾಗಿ ಇಲ್ಲಿ ಪರಿಚಯಿಸಿಕೊಳ್ಳಬಹುದು. ಈ ತಾನವನ್ನು ಜಾಲಾಡುವ ಓದುಗರಿಗೆ ಎಲ್ಲಾ ಪುಸ್ತಕಗಳ ಸ್ಪಷ್ಟ ಮಾಹಿತಿ ದೊರೆಯುತ್ತದೆ.
ಮಾಹಿತಿ :
- ಈ ತಾಣದ ಸೇವೆಯು ಎಲ್ಲರಿಗೂ ಉಚಿತವಾಗಿದೆ.
- ಹಾಗೂ ಲೇಖಕ ಪ್ರಕಾಶಕರು ನೇರವಾಗಿ ಓದುಗರಿಗೆ ಪರಿಚಯಗೊಳ್ಳುತ್ತಾರೆ.
- ಲೇಖಕ/ಪ್ರಕಾಶಕರು ನೇರವಾಗಿ ಓದುಗರಿಗೆ ತಮ್ಮ ಪುಸ್ತಕವನ್ನು ಪರಿಚಯಿಸುವ ಅವಕಾಶ ಇದಾಗಿದೆ.
- ಕನ್ನಡದಲ್ಲಿ ಪ್ರಕಟಗೊಳ್ಳುವ ತಮ್ಮ ಪುಸ್ತಕವನ್ನು ಸರಿಯಾದ ಓದುಗರಿಗೆ ಲೇಖಕ/ಪ್ರಕಾಶಕರು ಈ ಜಾಲತಾಣದ ಮೂಲಕ ಪರಿಚಯಿಸಬಹುದಾಗಿದೆ.
- ಓದುಗರು ತಮಗೆ ಇಷ್ಟ ಬಂದ ಪುಸ್ತಕವನ್ನು ನೇರವಾಗಿ ಪ್ರಕಾಶಕರಿಂದ ತರಿಸಿಕೊಳ್ಳುವ ಅವಕಾಶ. ಇದಕ್ಕಾಗಿ ನಮ್ಮ ತಾಣಕ್ಕೆ ಯಾವುದೇ ವೆಚ್ಚ ತೆರುವ ಅಗತ್ಯವಿಲ್ಲ.
- ಕನ್ನಡದಲ್ಲಿ ಪ್ರಕಟಗೊಳ್ಳುವ ಪುಸ್ತಕಗಳ ಬಗ್ಗೆ ಪ್ರಪಂಚದಾದ್ಯಂತ ಎಲ್ಲಾ ಓದುಗ ಮಿತ್ರರಿಗೂ ದಿನನಿತ್ಯ ಮಾಹಿತಿ ಲಭ್ಯವಾಗುತ್ತದೆ.
- ಈ ತಾಣದಲ್ಲಿ ಉಚಿತವಾಗಿ ಖಾತೆಯೊಂದನ್ನು ತೆರೆಯುವ ಮೂಲಕ ಯಾರು ಬೇಕಾದರೂ ತಮ್ಮ ಪುಸ್ತಕಗಳನ್ನು ಸೇರ್ಪಡೆ ಮಾಡಬಹುದು.
- ಉತ್ತಮ ಪುಸ್ತಕಗಳ ಬಗ್ಗೆ ಓದುಗರೂ ಸಹ ಮಾಹಿತಿ ಸೇರಿಸಿ ಬೇರೆ ಓದುಗರಿಗೆ ಸಹಾಯವಾಗುವಂತೆ ಮಾಡಬಹುದು.
- ಪುಸ್ತಕ ಮಳಿಗೆಯವರೂ ತಮ್ಮ ಬಳಿ ಇರುವ ಪುಸ್ತಕಗಳ ಮಾಹಿತಿ ಒದಗಿಸಿ ಗ್ರಾಹಕರನ್ನು ಪಡೆಯಲು ಅವಕಾಶವಿದೆ.
- ಪುಸ್ತಕಗಳ ಬಗ್ಗೆ ಓದುಗರು ಪ್ರತಿಕ್ರಿಯೆಯನ್ನೂ ನೀಡಬಹುದು. ( ಇದಕ್ಕೆ ನೀವು ಈ ಜಾಲತಾಣದ ಸದಸ್ಯರಾಗಿರಬೇಕು )
- ಪುಸ್ತಕಗಳಿಗೆ ಮತ ನೀಡುವ ಮೂಲಕ ಆಯಾ ಪುಸ್ತಕದ ಮೌಲ್ಯದ ಬಗ್ಗೆ ಇತರರಿಗೆ ತಿಳಿಯುವಂತೆ ಮಾಡಬಹುದು.
- ಪ್ರಕಾಶಕರನ್ನು ನೇರವಾಗಿ ಸಂಪರ್ಕಿಸಬಹುದು.
ನಿಯಮಗಳು :
ಕನ್ನಡದ ಲೇಖಕ ಪ್ರಕಾಶಕರಿಗೆ ಅನುಕೂಲ ಮಾಡಿ ಆ ಮೂಲಕ ಕನ್ನಡದ ಬೆಳವಣಿಗೆಗೆ ಸಹಕಾರಿಯಾಗಲು ನಿರ್ಮಿಸಿರುವ ಜಾಲತಾಣ ಇದು.
ಆದರೆ,
- ಇಲ್ಲಿ ಸೇರಿಸುವ ಪುಸ್ತಕಗಳ ಗುಣಮಟ್ಟದ ಬಗ್ಗೆ ಈ ಜಾಲತಾಣವು ಜವಾಬ್ದಾರಿಯಾಗಿರುವುದಿಲ್ಲ.
- ಪ್ರಕಾಶಕ/ಲೇಖಕರ ಜೊತೆ ವ್ಯವಹರಿಸುವುದು ಓದುಗರ ಸ್ವಂತ ವಿಚಾರ. ಅದರಲ್ಲಿ ಯಾವುದೇ ರೀತಿಯ ತೊಂದರೆ ಏರ್ಪಟ್ಟರೆ ಅದಕ್ಕೂ ಈ ಜಾಲತಾಣಕ್ಕೂ ಯಾವುದೇ ಸಂಬಂಧವಿಲ್ಲ.
- ಪ್ರತಿಕ್ರಿಯೆ ನೀಡುವಾಗ ಅಸಭ್ಯ ಪದ ಬಳಕೆ ಮಾಡುವಂತಿಲ್ಲ. ಅಥವಾ ಯಾರಿಗೂ ನೋವಾಗುವಂತೆ ವರ್ತಿಸುವಂತಿಲ್ಲ. ಪೂರ್ವಾಗ್ರಹಪೀಡಿತರಾಗಿ ಯಾವುದೇ ಪುಸ್ತಕವನ್ನೂ ತೆಗಳುವಂತಿಲ್ಲ. ವಿಮರ್ಶಾತ್ಮಕವಾದ ಹೇಳಿಕೆಗಳಿಗೆ ಮಾತ್ರ ಅವಕಾಶ.
- ಒಂದು ಪುಸ್ತಕವು ಚೆನ್ನಾಗಿಲ್ಲ ಎಂದು ಯರಾದರೂ ಪ್ರತಿಕ್ರಿಯೆ ಮಾಡಿದ ಮಾತ್ರಕ್ಕೆ ಅವರೊಂದಿಗೆ ಲೇಖಕ/ಪ್ರಕಾಶಕರು ಎಗರಿ ಹೋಗುವಂತಿಲ್ಲ.
- ಎಲ್ಲರೊಂದಿಗೂ ಸೌಹಾರ್ದಯುತವಾಗಿ ವರ್ತಿಸಬೇಕು.
* ನಿಯಮಗಳನ್ನು ಮೀರುವ ಸದಸ್ಯರ ಪ್ರತಿಕ್ರಿಯೆಗಳನ್ನು ಅಳಿಸಲಾಗುವುದು. ಮತ್ತೂ ಮುಂದುವರಿದರೆ ಅವರನ್ನು ತಾಣದಿಂದ ತೆಗೆದು ಹಾಕಲಾಗುವುದು.
ಹೆಚ್ಚಿನ ನಿಯಮಗಳು ತಾಣದ ಮಾಲೀಕರಿಗೆ ಸೇರಿದ್ದು ಯಾವುದೇ ಸಮಯದಲ್ಲಿ ನಿಯಮಗಳನ್ನು ಸೇರಿಸುವ, ಬದಲಯಿಸುವ ಹಕ್ಕು ಇರುತ್ತದೆ.
ಕಾಮೆಂಟ್ಗಳು