ಅದೊಂದು ಚಲನಚಿತ್ರದ ಚಿತ್ರೀಕರಣದ ಸಮಯ. ನಾಯಕಿಯ ಹೆತ್ತವರ ಭಾವಚಿತ್ರದ ಒಂದು ಚಿಕ್ಕ ಶಾಟ್ ತೆಗೆಯಬೇಕಿತ್ತು. ಎಲ್ಲಾ ತಯಾರಾಗಿದ್ದನ್ನು ಗಮನಿಸಿದ ನಿರ್ದೇಶಕರು ಕ್ಯಾಮೆರಾಮೆನ್ಗೆ ಈ ರೀತಿಯಾಗಿ ಒಂದು ಶಾಟ್ ತೆಗೆದುಕೊಳ್ಳಿ ಅಂದಿದ್ದರೆ ಸಾಕಿತ್ತು. ಏಕೆಂದರೆ ಆ ಶಾಟ್ನಲ್ಲಿ ಆ ಭಾವಚಿತ್ರಗಳಲ್ಲದೇ ಯಾವ ನಟರೂ ಇರಲಿಲ್ಲ. ಆದರೆ ಆ ನಿರ್ದೇಶಕರು ಹಾಗೆ ಮಾಡದೇ 'ಲೈಟ್ಸ್... ಕ್ಯಾಮೆರಾ... ಆಕ್ಷನ್' ಎಂದು ಗೋಡೆಯಲ್ಲಿ ಹಾಕಿದ್ದ ಭಾವಚಿತ್ರಗಳಿಗೇ ಆಕ್ಷನ್ ಹೇಳಿಬಿಟ್ಟರು ! ನಗು ತಡೆಯಲಾಗದ ಅಲ್ಲಿದ್ದ ಮಂದಿ ಭಾವಚಿತ್ರದ ನಟನೆಯನ್ನು ಸೆರೆ ಹಿಡಿದುಕೊಂಡರು. (ಆ ಚಿತ್ರ ನಿರೀಕ್ಷಯಂತೆಯೇ ಮಲಗಿತು ಅನ್ನೋದು ಆಮೇಲಿನ ಕಥೆ)
ಈ ನಿರ್ದೇಶಕರು ಇತ್ತೀಚಿಗೆ ಫೇಸ್ಬುಕ್ ಖಾತೆಯನ್ನು ತೆರೆದು ಅದರಲ್ಲಿ 'ಇಂತಾ ದಿನ ನನ್ನ ಮೂರು ಚಿತ್ರಗಳು ಒಟ್ಟಿಗೇ ಸೆಟ್ಟೇರಲಿವೆ' ಎಂಬ ಒಂದು ಸ್ಟೇಟಸ್ ಹಾಕಿದರು. ಅದೇನು ಗ್ರಾಚಾರವೋ ಏನೋ ಅವರ ಆ ಪ್ರಕಟಣೆಗೆ ಪ್ರತಿಕ್ರಿಯೆ ಹಾಗಿರಲಿ, ಒಬ್ಬರೂ ಸಹ ಲೈಕ್ ಕೂಡಾ ಮಾಡಲಿಲ್ಲ!
ಪಾಪ ನಿರ್ದೇಶಕರಿಗೆ ಬೇಜಾರಾಗಿ ಮರುದಿನವೇ 'ಕ್ಷಮಿಸಿ ಗೆಳೆಯರೇ ಬೈ' ಎಂದು ಫೇಸ್ಬುಕ್ನಿಂದ ರೈಟ್ ಹೇಳಿದರು !
ಕಾಮೆಂಟ್ಗಳು