ಕಾನನ ಸುಮ

ಅರಳಿದೆನೊಂದು ಹೂವಾಗಿ
ಪಡೆದೆ ಚೆಲುವ ಬಲು ಹಿತವಾಗಿ
ಒಲಿದವರಿಲ್ಲ ಯಾರೂ..
ಏಕೆಂದರೆ ನಾನಿರುವೆ ಕಾನನದ ಸುಮವಾಗಿ !

ನೋಡುಗರ ಬೆರಗುಗಳಿಲ್ಲ
ಮಿಟುಕಿಸುವ ಕಣ್ಣುಗಳಿಲ್ಲ
ಹೃದಯ ಕದಿವ ಕಳ್ಳರಿಲ್ಲ
ಕದಿಯಲೆನಗೆ ಹೃದಯಗಳಿಲ್ಲ..
ಏಕೆಂದರೆ ನಾನಿರುವೆ ಕಾನನದ ಸುಮವಾಗಿ !

ಬಣ್ಣವಿಲ್ಲ ಬೆಳಕಿಗೆ
ಸೂರ್ಯನಿಲ್ಲ ಬಿಸಿಲಿಗೆ
ಹಾವು ಚೇಳುಗಳ ಸಂತೆಯೊಳಗೆ
ಕಾದಿರುವೆ ತುಮುಲದಲ್ಲಿ
ಬರಬಹುದೇನೋ ಬದುಕು ಬಯಲಿಗೆಂದು
ಏಕೆಂದರೆ ನಾನಿರುವೆ ಕಾನನದ ಸುಮವಾಗಿ !